УЕФА миллатлар лигаси "С" лигаси 4-гуруҳида иштирок этаётган Қозоғистон терма жамоаси 1-турда Литва меҳмони бўлиб, 3 очкони қўлга киритди.

Яқиндагина "Ростов"дан ЦСКАга ўтган Зайнутдинов 3-дақиқадаёқ ҳисобни очишга муваффақ бўлди. Ўйин тугашига 4 дақиқа қолганида эса Исламбек Қуат иккинчи тўпни мезбонлар дарвозасига жойлади.

Қозоғистон навбатдаги учрашувни 7 сетябрь куни ўз уйида Беларусга қарши ўтказади.

Литва – Қозоғистон 0:2 (0:1, 0:1)
Голлар: 0:1 – 3 Зайнутдинов, 0:2 – 86 Куат.
Литва – Барткус, Баравикас (Вербицкас, 82), Паленис, Гирдвайнис, Шимкус, Ласицкас, Черных (Лаукжямис, 46), Сиргедас (Дапкус, 89), Казлаускас, Воробьев, Миколюнас.
Қозоғистон – Покатилов, Быстров, Малый, Алип, Суюмбаев, Исламхан (Аймбетов, 71), Абикен, Зайнутдинов (Федин, 31), Вороговский, Перцух (Куат, 82), Марочкин.
Огоҳлантиришлар: Паленис (22), Миколюнас (33), Сиргедас (45), Малый (49), Абикен (69), Баравикас (82).