Испания терма жамоаси ҳужумчиси Ансу Фати Миллатлар лигаси доирасида Украинага қарши бўлиб ўтган ўйин (4:0) борасида ўз фикрини билдириб ўтди. У кеча рақиб дарвозасига тўп киритиб, Испания термаси тарихида гол урган энг ёш футболчига айланди.

«Майдонга чиқишдан олдин мураббий менга бундай ўйин фаолиятимда фақат бир марта бўлишини, ўз ўйинимни кўрсатишим кераклигини таъкидлади. Мен барча ўйинчилардан футболкамга имзо чекиб беришларини сўрадим. Ушбу футболка уйимда фахрли жойни — "Барса" сафидаги Испания чемпионати ва Чемпионлар лигасидаги дебют ўйинларимда кийган формалар ёнидан ўрин эгаллайди», — деди Фати УЕФА матбуот хизматига берган интервьюсида.