Marca нашрининг тарқатган маълумотига қараганда, коронавирус пандемияси туфайли, испаниялик ҳужумчи Хесе Родригес ўзининг биринчи жамоаси - "ПСЖ"га қайтиши мумкин.
Гап шундки, Франциянинг амалдаги чемпиони саналган "ПСЖ"нинг аксарият футболчилари топширган тест натижалари ижобий чиқкан. "ПСЖ" эса пайшанба куни Франция чемпионати доирасида "Ланс" клубига қарши баҳс олиб бориши керак. Шу сабабли, коронавирусга чалинган футболчиларнинг ўрнини босиши учун Хесе Родригесни асосий таркибга қайтариши кутилмоқда.
Родригеснинг "ПСЖ" клуби билан тузилган шартномаси 2021 йилнинг ёзида ўз якунига етади.
