Москванинг "Спартак" клуби ҳужумчиси Александр Кокорин фаолиятини Италия чемпионатида давом эттириши мумкинлиги ҳақида италиялик инсайдер Николо Скира хабар бермоқда.
Италиялик ҳамкасбимиз ўзининг "Твиттер"даги расмий саҳифасида ёзишича, 29 ёшли Кокоринга Римнинг "Рома" клуби қизиқиш билдирмоқда. "Рома" раҳбарияти футболчининг трансфери борасида "Спартак" клубига сўров юборишга улгурди.
Эслатиб ўтамиз, Кокорин "Спартак" клуби ёзги трансфер бозорида "Зенит" клубидан эркин агент сифатида кўчиб ўтганди. Жароҳати сабабли, ҳали "қизил-оқлар" таркибида дебют учрашувини ўтказмади.
