Англиянинг «Ливерпуль» клуби бош мураббийи Юрген Клопп Лондоннинг «Челси» клубини трансфер бозоридаги харидлари ҳақида ўз муносабатини билдирди. «Стэмфорд Бридж»дагилар янги футболчиларни харид қилиш учун 200 миллион фунтдан зиёдроқ маблағ сарф қилишди.

«Ҳа, улар кўплаб футболчиларни қўлга киритишди ва булар қачонлардир уларнинг устунлигига айланиши мумкин. Лекин, бир нарсани унутмаслик керак, устунлик тез орада рўй бермайди.

Сиз бир қатор футболчиларни харид қилиб, улардан тезроқ натижа талаб қила олмайсиз. Бунинг учун вақт талаб этилади. Натижа қилиш учун фақатгина тажрибали футболчиларни жалб қилишни ўзи камлик қилади.

Бизнинг устунлик томонимиз шундаки, биз бу таркиб билан анча йиллардан бери бирга меҳнат қиламиз. Бизда юқори натижаларни қўлга кирита оладиган жамоа бор», - деди Клопп.