12 сентябрь куни "Ливерпуль" клуби АПЛнинг 1-тур доирасида орадан 16 йил ўтгач Премер-лигага қайтган «Лидс» клубини қабул қилади.
Ушбу учрашув олдидан германиялик мураббий бўлажак рақиблари ҳақида ўз фикри билан ўртоқлашди.
«Улар ҳужумкор ўйин намойиш этишади деб ўйламайман. Лекин улар чемпионатга яхши тайёргарлик кўришди, ажойиб ҳимояга эга жамоа саналади. Улар муаммога дуч келишади, чунки Премьер-лиганинг ҳаёти Чемпионшипдан фарқ қилади, аммо улар АПЛга кўникиб олишга вақт топишади. Ушбу мусобақа уларга жуда мос келади, энди уларда ўз потенциалларини тўлиқ намойиш этиш имконияти бор.
Барча чемпион бўлишни хоҳлайди. Биз ниҳоятда кучли жамоаларга қарши ўйнашимиз керак, шунинг учун бундай ўйинларни қандай ўтказиш ўзимизга боғлиқ», - Клоппнинг сўзларидан иқтибос келтирмоқда ВВС.
