Англиянинг "Манчестер Сити" клубининг иқтидорли футболчиси Чарли Макнил фаолиятини "Манчестер Юнайтед" клубида давом эттириши мумкин.

17 ёшли Макнил "Манчестер Сити" клуби билан шартномани узайтиришдан бош тортди. Бироқ, қоидага асосан, клублар ўзаро товон пули борасида келишувга эришиши керак.

Goal.com порталининг ёзишича, "МЮ" футболчининг товон пули сифатида 810 минг евро тўламоқчи, бироқ, ушбу сумма бонуслар билан бирга 1,45 миллион еврога ўсиши мумкин. Бундан ташқари, "шаҳарликлар" футболчининг кейинги трансферларидан маълум бир миқдорда фоиз олади.

Қайд этиш керакки, Макнил ўсмирлар ўртасида 600дан зиёд гол киритди. У "МЮ"нинг тарбияланувчиси эди, бироқ, у 2014 йили "Манчестер Сити"га йўл олганди.