«Манчестер Юнайтед» ярим ҳимоячиси Каземиро клуб раҳбарияти билан учрашиб, ўз ўрнига келадиган ўйинчи масаласини муҳокама қилди. AS нашрининг хабарига кўра, 34 ёшли футболчи «Ньюкасл»нинг 28 ёшли ярим ҳимоячиси Бруно Гимарайнс номзодини тавсия қилган. Каземиро ўз ҳамюртини Манчестерда муҳим фигурага айланиш учун барча сифатларга эга деб ҳисоблайди.

Каземиро шу ёзда «Манчестер Юнайтед»ни эркин агент мақомида тарк этади, чунки клуб билан янги келишувга эришилмади. Ўз навбатида, Гимарайнснинг «Ньюкасл» билан 2028 йилгача мўлжалланган амалдаги шартномаси мавжуд. Transfermarkt талқинига кўра, унинг трансфер қиймати 75 миллион еврони ташкил этади.

Жорий мавсумда Гимарайнс «Ньюкасл» сафида 35 та ўйин ўтказиб, тўққизта гол урди ва еттита голли узатмани амалга оширди.