«Барселона» бош мураббийи Ханс-Дитер Флик Испания Кубоги 1/2 финали доирасида Мадриднинг «Атлетико» клубига қарши кечадиган жавоб учрашуви олдидан футболчиларга аниқ талабларини эълон қилди. Мураббий футболчиларни бўлажак баҳсни иккита алоҳида ўйин сифатида қабул қилишга чақириб, ҳар бир бўлимни алоҳида кўриб чиқиш кераклигини таъкидлади. Флик асосий эътиборни аниқ мақсадга қаратди — биринчи бўлимда 2:0, иккинчи бўлимда 2:0. Бу ҳақда Х ижтимоий тармоғидаги The Touchline саҳифаси хабар бермоқда.

Жамоалар ўртасидаги дастлабки ўйин 12 февраль куни Мадриддаги «Сивитас Метрополитано» стадионида бўлиб ўтган эди. Ўша учрашувда «Атлетико» 4:0 ҳисобида йирик ғалабани қўлга киритган. Иккинчи ярим финалда эса Бильбаонинг «Атлетик» ва «Реал Сосьедад» жамоалари ўзаро тўқнаш келишади.