Aнглиянинг «Ливерпуль» жамоаси устози Юрген Клопп AПЛ старти олдидан клуб расмий сайти учун кичик интервью бериб ўтди. Немис мутахассиси янги мавсумдаги режалари ва жамоасининг руҳий ҳолатига тўхталиб ўтди.
Юрген Клопп:
“Кимдир менга чемпионликни сақлаб қолиш лозимлиги ҳақида сўзлади. Тўғриси, ҳозир ўша инсон ким эканлигини эслай олмадим. Биласизми, бу сўзлар мени бироз таажубга солиб қўйди. Балки, мен бу сўзни маъносини англаб етишга қодир даражада билимга эга эмасдирман?!
Мен бир нарсага сира тушунмаяпман. Тўғри, биз ўтган мавсумда олтин медалларни ўзимизники қилиб олдик, бироқ янги мавсум бошида яна шу савол билан мурожаат этиш қай даражада тўғри? Биз ўтган мавсумда бу ишга қодир эканлигимизни исботладик. Хўш, бу биз энди янги мавсумда чемпионлик учун курашмаймиз деганими? Мухлисларни тушуниш қийин. «Ливерпуль» буюк клуб. Шу сабабли, мавсум стартида қўлга киритиш мумкин бўлган барча соврин учун майдонда «ўлишга» ҳам тайёрмиз. Бундан хавотир олманг! Биз шунчаки расмиятчилик учун майдонга тушмоқчи эмасмиз!
Менинг бу мавзудаги фикрларим шундай. Шу сабабли, AПЛдаги янги мавсум олдидан барчада 0 очко! Шундай экан, келинг энди ҳаракатни бошлаймиз! Мен «Ливерпул»да ўтказган йилларимнинг барчаси шу мақсад сари йўналтирилган эди. Нима учун энди барчасини ўзгартиришимиз керак?
Биз Европа Чемпионлар Лигасида финалга қадар етиб бордик, бироқ мағлуб бўлдик. Келаси мавсумда AПЛда иккинчи бўлдик, бироқ ЕЧЛда зафар қучдик. Кейинроқ, узоқ кутилган AПЛ олтин медалларига ҳам эга чиқдик. Эътибор берган бўлсангиз, мақсадларимиз сари секин, бироқ дадил одимлаяпмиз.
Янги мавсум олдидан ўйин фалсафамиз мавжуд. Биз ҳаммасини бошидан такрорламоқчимиз! Бунинг ҳар бир ўйинда 90 дақиқа ҳаракат қилишга тайёрмиз. Aгар ҳар бир ўйинда бор кучимизни ишга солсак, биз яна шоҳсупадамиз!
