"Барселона" ҳужумчи Луис Суареснинг қисқа вақт ичида жамоани тарк этишини истамоқда, дея хабар беради Sport.es.
Футболчи "кўк-анорранглилар" билан шартномани ҳеч қандай тўловсиз бекор қилмоқчи эмас, аммо жамоада қолган тақдирда, 2020/21 йилги мавсумни захира ўриндиғида ўтказиш хавфи бор. Уругвайлик футболчига "Ювентус" қизиқмоқда, аммо трансфер муваффақиятсиз бўлиши мумкин.
Олдинроқ "Барселона" бош мураббийи Рональд Куман 33 ёшли футболчини жамоанинг умумий гуруҳида машғулотларга қўймаслиги, шунинг учун футболчи клубни тарк этиши ҳақида хабар берилганди.
Суарес "Барселона"дан клубни муддатидан аввал тарк этиши учун 15 миллион евро тўлашни талаб қилмоқда.
