Мадриднинг "Реал" клуби вингер Гарет Бэйлни 20 миллион евро эвазига сотишга тайёр. Бу ҳақда Mundo Deportivo хабар бермоқда.
2013 йилнинг ёзида тахминан 100 миллион еврога сотиб олинган уэльслик футболчининг «Реал» билан яна икки йиллик шартномаси бор, аммо у клуб режаларига киритилмаган. "Қаймоқранглилар" футболчининг катта маошини тежаш учун уни сотмоқчи.
"Манчестер Юнайтед" футболчига қизиқиш билдирмоқда, аммо манкунианликларни Бэйлнинг катта маоши хавотирга солмоқда.
Ўтган мавсумда Бэйл "Реал" таркибида 20 та ўйин ўтказиб, 3 та гол урган ва 2 та голли узатмани амалга оширган.
