Aнглиянинг "Ньюкасл" клуби Саудия Aрабистонининг PCP Capital Partners ва Reuben Brothers давлат инвестиция фонди томонидан сотиб олинмаганлиги сабабли Премьер-лига раҳбариятини судга бермоқчи.
The Guaridan нашрининг ёзишича, "Ньюкасл" эгаси Майк Эшли лигага қарши даъво учун клубнинг вакили сифатида иккита адвокатни ёллаган.
"Ньюкасл" Премьер-лига ижрочи директори Ричард Мастерснинг музокаралар жараёнида номувофиқ ҳаракат қилгани ва шу туфайли келишув амалга ошмаганлигидан норози.
"Ньюкасл"ни сотиб олиш миқдори 300 миллион фунтни ташкил қилиши керак эди, аммо келишув амалга ошмади. Клубнинг фикрига кўра, ушбу савдо Премьер-лига томонидан тасдиқланмаган. Ўз навбатида, АПЛ раҳбарияти келишувга тўсқинлик қилмаганлигини айтган.
