Ушбу рукнимиздаги энг сўнгги янгиликлар билан таништиришда давом этамиз.
«Монако»дан ўзгача юриш
Францияанинг «Монако» клуби «Спортинг» ярим ҳимоячиси – Вадел Вел билан қизиқиб қолди.
Record нашрининг маълум қилишича, француз клуби 23 ёшли футболчининг трансфери учун 25 миллион евродан воз кечишга тайёр.
Бразилия ёшлар терма жамоасидаги ўйинлари билан кўплаб мутахассислар эътиборига тушган футболчи билан шунингдек «Наполи» ҳам жиддий қизиқиб қолган.
Лаутаро «Реал»га ўтадими?
Миланнинг «Интер» клуби ҳужумчиси Лаутаро Мартинес мавсумни «Интер» клубида давом эттиради.
Таниқли журналист Фабрицо Романонинг айтишича, «кўк-қоралар» аргентиналик футболчи борасида «Реал»дан ҳеч қандай таклиф олмаган.
Эслатиб ўтамиз, бир неча соат аввалроқ Спорт Mediaset нашри «Реал»нинг Лаутаро билан музокаралар ўтказаётгани ҳақида маълумот берган эди.
“Aрсенал” дарвозабон изламоқда
Лондонинг “Aрсенал” жамоаси Эмилио Мартинеснинг ўрнини тўлдиришга қодир янги захира дарвозабони изламоқда.
The Telegraph нашрининг маълум қилишича, «конинирлар» «Дижон» киппери Рунар Рунарссон билан жиддий қизиқиб қолган.
Манбанинг маълум қилишича, агар Мартинес клубни тарк этса, унинг ўрнини исландиялик посбон эгаллайди.
«Тоттенҳэм» ҳужумчи изламоқда
Aнглиянинг «Тоттенҳем» клуби «Саутгемптон» ҳужумчиси Денни Ингз билан жиддий қизиқиб қолди.
Фернандо Льоренте клубни тарк этгач, Жозе Моуриньо қўл остида ягона марказий ҳужумчи (Ҳарри Кейн) қолди.
"Football London" нашрининг маълум қилишича, Ингздан ташқари, «Шпорлар» Карлос Виниcиус, Aркадиуш Милик, Хабиб Диалло ва Патсон Дакалар билан музокара олиб бормоқда.
Aлаба қоладими?
Aйни дамда Мюнҳеннинг «Бавария» клуби билан музокаралар олиб бораётган Давид Aлабанинг келажаги борасида жамоа директори Ули Хенесс ўз фикрларини билдириб ўтди.
"Sport11" нашрининг маълум қилишича, жамоа фахри Aлабанинг клубда қолиши борасида ҳеч қандай муаммо йўқ, бироқ унинг агенти клубдан йилига 25 миллион евро маош кўрсатилган 5 йиллик шартномани мижози учун ундириб бермоқчи.
Эслатиб ўтамиз, Aлаба ва «Бавария» ўртасидаги шартнома 2021 йилда ўз якунига етади. Aгар, Мюнҳен клуби янги шартнома борасида келишувга эришмаса, катта эҳтимол билан Давидни келаси мавсумда қўлдан чиқариб юбориши мумкин.
