Франциянинг "ПСЖ" клуби бош мураббийи Томас Тухель жамоа ҳужумчиси Килиан Мбаппенинг соғлиги ҳақида маълумот берди. Ёш ҳужумчи коронавирусга чалинганидан кейин майдонга тушмаётганди.
«Килиан билан барчаси жойида. Унда коронавируснинг аломатлари қолмади. У якка тартибда бир неча кундан бери машғулотларни олиб бормоқда.
«Ницца»га қарши майдонга тушишга тайёрми? Истисно қилмайман. Бу ҳақда қарорни шанба куни қабул қиламиз. Клубнинг тиббий ходимлари ва футболчининг ўзи билан суҳбат ўтказаман, мана шундан кейин якуний қарорга келамиз», - деди Тухель.
«Ницца» - ПСЖ учрашуви 20 сентябр куни бўлиб ўтади.
