SPORT порталининг тарқатган маълумотига қараганда, Англиянинг «Ливерпуль» клуби Каталониянинг «Барселона» клуби футболчиси Усмон Дембеле билан шартнома имзолаш вариантини кўриб чиқмоқда.
«Қизиллар» франциялик футболчининг трансфери борасида "Барселона" клубига сўровнома юборди.
Хабарда айтилишича, "мерсисайдликлар" 23 ёшли франциялик футболчини ижарага олмоқчи ва кейинчалик сотиб олиш ҳуқуқини ўзларида сақлаб қолмоқчи. Ушбу битимнинг амалга ошишини Юрген Клоппнинг шахсан ўзи истамоқда.
Якунига етган мавсумда Дембеле "Барса" таркибида 5 та учрашувда майдонга тушди ва битта гол киритди. Қолган вақтини жароҳатини даволаш билан ўтказди.
