SPORT portalining tarqatgan ma’lumotiga qaraganda, Angliyaning «Liverpul» klubi Kataloniyaning «Barselona» klubi futbolchisi Usmon Dembele bilan shartnoma imzolash variantini ko‘rib chiqmoqda.
«Qizillar» fransiyalik futbolchining transferi borasida "Barselona" klubiga so‘rovnoma yubordi.
Xabarda aytilishicha, "mersisaydliklar" 23 yoshli fransiyalik futbolchini ijaraga olmoqchi va keyinchalik sotib olish huquqini o‘zlarida saqlab qolmoqchi. Ushbu bitimning amalga oshishini Yurgen Kloppning shaxsan o‘zi istamoqda.
Yakuniga yetgan mavsumda Dembele "Barsa" tarkibida 5 ta uchrashuvda maydonga tushdi va bitta gol kiritdi. Qolgan vaqtini jarohatini davolash bilan o‘tkazdi.
