"Ливерпуль" "Вулверхэмптон" форварди Диого Жота билан шартнома шартларини келишиб олди. Goal хабарига кўра, томонлар 5 йиллик шартнома борасида келишувга эришган.
23 ёшли португалиялик футболчи учун "қизиллар" қарийб 49 миллион евро миқдорида пул тўлайди, шундан 45 миллиони битимнинг кафолатланган қисми, қолгани эса потенциал бонуслардир. "Бўрилар" мослашувчан тўлов шартларига рози бўлишди, шунинг учун яқин 12 ой ичида уларнинг ҳисоб рақамига ушбу сумманинг атиги 10 фоизи киритилади. Битимнинг бир қисми ҳимоячи Ки-Яны Хувернинг "Ливерпул"дан "Вулверхэмптон"га ўтишини ўз ичига олади.
Жота "Вулверхэмптон"га 2017 йил ёзида "Aтлетико"дан ижара асосида ўтганди ва бир йилдан сўнг "бўрилар" унинг шартномасини 14 миллион еврога сотиб олишганди. Ўшандан бери ҳужумчи инглиз клуби сафида 131 учрашув ўтказган ва 44 гол урган.
Бу мерсисайдликларнинг ушбу ҳафтадаги иккинчи йирик трансфери. 18 сентябрь куни "қизиллар" ярим ҳимоячи Тьяго Aлькантара жамоасига ўтганлигини эълон қилишди.
