Aнглиянинг «Ливерпуль» жамоаси «Вулверхемптон»дан Диогу Жотани сотиб олганидан хабарингиз бор. Португалиялик футболчи расман таништирилгач, клуб расмий сайти учун интервью бериб ўтди. Португалиялик футболчи ўз интервьюсида «Ливерпуль»нинг ҳужум учлиги ҳақида фикр билдирди.
Диогу Жота:
“Улар билан ўзимни солиштиришим бироз нотўғри деб ҳисоблайман. Сабаби, улар жаҳон даражасидаги юлдузлар. Салаҳ, Мане ва Фирминоларнинг биргаликда амалга ошираётган ишларига қойил қолмасликнинг имкони йўқ. Бу учлик бирлашгач, «Ливерпулm» AПЛ ва ЕЧЛда зафар қучишга муваффақ бўлди. Эътиборлиси шундаки, бу учлик доимо биргаликда ҳаракат қилади ва голлар киритади.
Мен ҳам бу учликнинг аъзоси бўлмоқчиман. Уларнинг сафига қўшилишни, клубга ғалаба келтиришни истайман. Менинг клубда бирламчи вазифам улар билан яхши муносабат ўрнатишдан иборат. Умид қиламанки, тезда дўстлашиб кетамиз. Улар билан биргаликда ўрганишни ва ўсишни жуда истаяпман.
Клубдаги рақобат ҳақида ортиқча фикр билдирмоқчи эмасман. Ички рақобат доимо клуб фойдасига ишлайди. Мени клуб ривожланиши учун харид қилишди. Ўз вазифамни муносиб уддаламоқчиман.
Умид қиламанки, ҳужумдаги учликка ва «Ливерпуль» учун фойда келтира оламан. Янги жамоам сафида керакли футболчига айланмоқчиман"
