“Челси” ва “Ливерпуль” ўтган мавсумнинг охирларида ўзаро учрашган эдилар. Саккиз голли феерик ўйин ёдингизда бор, албатта.

Ўша баҳсга кўп бўлмади, бироқ вазият буткул ўзгарган. “Лидс” билан ўйинда "Ливерпуль” ҳимоясидаги муаммолар чемпионликдан кейинги хотиржамлик эмас, систематик даражага кўтарилгани маълум бўлди.

“Челси” эса, иккинчи уйғонишини бошлаб олмаган. “Юлдузли дизбаланс” деб баҳоланмоқда ҳозирги Лэмпард жамоаси.

Албатта, мавсумнинг ярмида Лондон ва Ливерпуль жамоаси спорт формасини юқори нуқтага олиб чиқиб, ҳақиқий салоҳиятни намойиш этган ҳолда мукаммал ўйин кўрсатиб беришар, бироқ менга бугунгиси қизиқроқ туюляпти.

Муаммолар гирдобида кўрмоқчиман Клопп ва Лэмпардни. Улар ўзларининг яхши жиҳатлари билан шиддат улашишларини кейин ҳам кўриб оламиз, иккисининг бир-бириси камчилигидан қандай фойдаланиши қизиқ менга.

Қолган масалаларни ўйинга қолдирамиз. Зотан, 2-турнинг марказий баҳси бироз ўтиб бошланажак.

20:30да Узрепорт телеканалида биргаликда кузатинг!