"Наполи"нинг сенегаллик ҳимлоячиси Калиду Кулибали жамоада қолиши мумкин. La Repubblica тарқатган маълумотга қараганда, ҳимоячига "Манчестер Сити" ва ПСЖ клублари қизиқиш билдираётганди, бироқ, "шаҳарликлар ҳам, парижликлар ҳам "Наполи" талаб қилаётган 80 миллион евро тўлаб бера олмасликларини билдиришди.
"Шаҳарликлар" Кулибали билан шахсий шартнома борасида келишувга эришганди, лекин клублар бу борада бир тўхтамга кела олишмади. "ПСЖ" эса "Наполи" талаб қилган маблағни ўйлаб ўтирмасдан рад этди.
Кулибали "Наполи" клубига 2014 йили Бельгиянинг "Генк" клубидан кўчиб ўтганди. Ўшанда сенегаллик футболчининг трансфери 7,5 миллион еврони ташкил этганди.
