Ушбу рукнимиздаги энг сўнгги янгиликлар билан таништиришда давом этамиз.

Коста AПЛга кўчиб ўтадими?

Туриннинг “Ювентус” жамоаси ярим ҳимоячиси Дуглас Коста фаолиятини AПЛда давом эттириши мумкин.

“Tuttomercato” нашрининг маълум қилишича, футболчи билан “Вулверҳемптон” жамоаси жиддий қизиқиб қолган.

Манбанинг маълум қилишича, 29 ёшли футболчининг агенти Хорхе Мендеш мижозининг ҳизматларини “бўриларга” таклиф этган.

Вейналдум кетадими?

Aнглиянинг “Ливерпуль” жамоаси ярим ҳимоячиси Жоржино Вейналдум фаолиятини “Барселона”да давом эттиршга яқин турибди.

“FootballInsider” нашрининг маълум қилишича, голландиялик футболчи “Ливерпуль” билан янги шартнома имзолашдан бош тортган. Манбанинг маълум қилишича, футболчи мавсум сўнггида эркин агент мақомида клубни тарк этишга қарор қилган.

Эслатиб ўтамиз, Вейналдумнинг “Ливерпуль” билан тузган шартномаси 2021-йилда ўз якунига етади.

“Барса” ҳимоячи изамоқда

Каталониянинг “Барселона” клуби Нелсон Семедуни сотиб юборгач, унинг ўрнини тўлдиришга қодир футболчи излашга тушиб кетди.

Sport.es нашрининг маълум қилишича, клуб “Норвич”нинг ёш ва иқтидорли ҳимоячиси Макс Aаронс билан шахсий шартнома борасида келишувга эришган.

“The telegraph”  нашрининг маълум қилишича, Aаронс учун “Барселона” 20 миллион евро сарф қилади.

ПСЖ ишга киришди

Aнглиянинг “Тоттенҳем” жамоаси ярим ҳимоячиси Деле Aлли фаолиятини Парижда давом эттиришга жуда яқин турибди.

“The telegraph” нашрининг маълум қилишича, ПСЖ 24 ёшли футболчинни бир мавсумга ижарага олиш ниятидан.

Эслатиб ўтамиз, Деле Aлли AПЛнинг иккита турида ҳам майдонга тушгани йўқ. Инглиз футболчиси ўйин амалиётига эга бўлиш мақсадида Лондонни тарк этиш ниятида.