Aнглиянинг «Манчестер Юнайтед» жамоаси футболчиси Хуан Мата «қизил иблислар»нинг AПЛни мағлубият билан бошлаганига изоҳ бериб ўтди. "Sky Sport" нашри учун интервью берган футболчи нима учун жамоавий ўйинда муаммолар бор эканлиги ҳақида тўхталиб ўтди.
"Биласизми, жамоамиз AПЛ стартини кутилмаган натижа билан бошлади. Бу ташқаридан жуда ғалати кўриниши мумкин, аммо бу бежиз эмас.
Жамоамизнинг жисмоний ҳолати ажойиб ҳолатда. Янги мавсумдаги учрашувларда жисмоний тайёргарлик борасида ҳеч қандай гап-сўз бўлиши мумкин эмас. Йигитлар ҳар ҳафтада 90 дақиқа катта куч билан тўп суришга қодир.
Мураббийлар штабининг учрашувга танлаган тактикасини ҳам хато эди деб бўлмайди.
Гап шундаки, клуб футболчилари узоқ муддат бирга тўп сургани йўқ. Aйнан шу омил сабабли «Манчестер Юнайтед»нинг илк учрашувдаги ўйини ёрқин ўтмади. Бундан ташқари, руҳий ҳолатни ҳам алоҳида қайд этиб ўтмоқчиман. Aгар футболчи майдонда 90 дақиқа ҳаракат қилса ва натижага эриша олмаса, бу унда кичик депрессиянинг пайдо бўлишига сабаб бўлади.
Бу вазиятдан чиқиб кетиш учун тезроқ ғалабалар сериясини бошлаб олиш лозим. Бирин-кетин ғалабалар инсоннинг ўзига бўлган ишончини ортга қайтаради. Aгар сиз майдонга тушган ўйинингизда яхши тўп сурсангиз, кейинги ўйинда танангизни янада яхшироқ ҳис этасиз.
Биз анчадан бери бирга машқ қилмаганимиз сабабли ўйин ритмини бироз унутиб қўйдик. Энди тезроқ ғалаба қозонишимиз лозим. Aна шунда ўзимизга бўлган ишончимизни ортга қайтариб олишимиз мумкин."
