Coca-Cola Суперлигаси 17-туридан ўрин олган «Андижон»-«Бухоро» (2:1) ўйинидан сўнг мезбонлар мураббийи Бахтиёр Ҳамидуллаев матбуот анжуманида иштирок этди.

— Айтиб ўтганимдек бугун олти очколик ўйин бўлди. "Бухоро" ҳам яхши жамоа, уларда ҳам ҳали имконият кўп. Битта ғалабамиздан сўнг бўшашиз керак эмас, ҳали олдимизда кўплаб ўйинлар турипти, бу ўйинларга ҳам, худо хоҳласа, яхши тайёргарлик кўрамиз.

— Бугун Фарҳод Бекмуродов ҳимоя марказида ўйнади, аввалига Хушнуд Авиловни ҳимоя марказида ўйнатган эдингиз, бугун Фарҳодни ўйинини кўриб кейинги ўйинларга фикрингиз ўзгардими?
— Фарҳод Бекмуродовнинг жамоада ўз ўрни бор, Авилов уч ўйинда ҳимоя марказида майдонга тушди, менимча ҳимояда яхши ўйин кўрсатди. Кейинги ўйинга таркиб бошқачароқ тушса керак.

— Пенальти масалада гапирмоқчи эдим. Аввалига Сирож Мелиев топни тепиш учун тайёр эди, лекин кейинчалик пенальтини Исмоналиев тепди. Аслида жамоада пенальтини ким тепиш керак эди?
— Пенальтини аслида Нодир Мавлонов тепиши керак эди, ундан сўнг эса Усмонали тепиши керак эди, Нодир майдонни тарк этгани сабабли пенальтини Усмон тепди.

— Биламиз, жамоани легионерлар тарк этди, бу кимнинг фикри эди?
— Легионерлар кўп маош олишар эди. Раҳбарият уларнинг ўрнига ўзимизнинг ёш йигитларни ўйнатишни қарор қилди.

— Биласиз, Пролига вакили «Истиқлол» ўз фаолиятига якун ясади. «Истиқлол» жамоасидан футболчи олиш ният борми, масалан Мамазулунов?
— Кечагина бизга шундай хабар келди. «Истиқлол» футболчиларини ўйинларини кўришга улгирмадик, бунга тўғриси вақт ҳам бўлгани йўқ.

Яна бир нарсани айтиб ўтай: Бугунги ғалабамизни, жамоамизни ғалабасини кутган инсонларга бағишлаймиз, сабаби ғалабамизга қарши инсонлар ҳам бор эди!

"Андижон" матбуот хизмати.