Италиянинг «Интер» клуби бош мураббийи Антонио Конте ижарадан жамоага қайтган ярим ҳимоячи Иван Перишич ҳақида илиқ фикрларни билдирди.
— Иван учун хурсандман, чунки у ғалаба учун чанқоқ футболчига айланди ва ўтган мавсумда "Бавария" билан учта совринни қўлга киритди. Энди у «Интер»га катта ёрдам бериш учун қайтди. Мана шундай иштиёқи борлиги учун Перишичдан хурсандман. Мана шундай жонкуяр футболчилар билан ишлаш ҳар бир мураббийнинг ишини енгиллаштиради, - Контенинг сўзларидан иқтибос келтирмоқда Goal.com.
