Англиянинг «Ливерпуль» клуби бош мураббийи Юрген Клопп "Арсенал" устози Микель Артета ҳақида илиқ фикрларни билдирди.
«Ўтган йилги ва бу йилги «Арсенал»ни таққослаш керак эмас. Артета катта ишни амалга оширди ва кам вақт оралиғида ажойиб мураббий эканлигини исботлай олди. Ҳозир у қураётган жамоа мутлақо ажойиб.
Ҳимоя ва ҳужум ўртасидаги мувозанат жуда яхши эканлиги кўриниб турибди. Тан олиш керак, Артета жамоага келганидан кейин қўл остидаги футболчиларнинг кайфияти доим аъло даражада бўлмоқда.
Артета яқин вақтлар ичида дунёнинг энг кучли тактик мураббийига айланада, шунинг учун у билан келишиб олишга шошилинг», — деди Клопп.
