Италия чемпионатининг 2-тури доирасида «Рома» ўз уйида «Ювентус»ни қабул қилди.

Римликлар ярим ҳимоячиси Жордан Веретунинг дублига "Юве" форварди Криштиану Роналду 2та гол билан жавоб қайтарди. Ҳар икки футболчи ўз голларининг биттасини пенальтидан уришди.

Баҳснинг 62-дақиқасида туринликлар майдонда бир киши кам бўлиб қолишди. Ярим ҳимоячи Адриен Рабьо иккинчи сариқ карточкани олиб, майдонни тарк этди. Роналду эса, четлатишдан 7 дақиқа ўтиб, иккинчи голини киритди ва жамоасига бир очкони тақдим этди.

Андреа Пирло бошқарувидаги «Ювентус» ўз очколарини 4тага етказган бўлса, «Рома» мавсумдаги илк очкосини қўлга киритди.

Италия чемпионати, 2-тур
Рома – Ювентус 2:2 (2:1)
Голлар: 1:0 – 31, пенальти Верету, 1:1 – 44, пенальти Роналду, 2:1 – 45 Верету, 2:2 – 69 Роналду.
Рома – Миранте, Спинаццола, Манчини, Кумбула, Сантон (Бруно Перес, 68), Мхитарян, Пеллегрини (Диавара, 72), Педро, Верету, Рожер, Джеко.
Ювентус – Шченсни, Бонуччи, Данило, Кьеллини, Маккенни (Артур, 58), Куадрадо, Рабьо, Рэмзи (Бентанкур, 68), Кулусевски (Фработта, 85), Роналду, Мората (Дуглас Коста, 58).
Огоҳлантиришлар: Рабьо (30), Кумбула (36), Пеллегрини (54), Фработта (86).
Четлатиш: Рабьо (62).