Англиянинг «Ливерпуль» клуби ҳимоячиси Эндрю Робертсон «Арсенал» (3:1) устидан АПЛнинг 3-тур доирасида қўлга киритилган ғалабаси ҳақида фикр билдирди.
— Бу биз томондан фантастик қарши-прессинг бўлди. Рақибга босим ўтказа олдик ва хато қилишларига мажбурладик. "Арсенал"нинг қанотлари исталган рақибга хавф туғдира олади. Уларнинг қанотларини заифлаштира олдик ва бир неча маротаба уларнинг офсайд ҳолатида "ушладик". Рақибларингни мағлубиятга учратиш ва учта баҳснинг барчасида ғалаба қозониш ёқимли албатта, - Робертсонни сўзларидан иқтибос келтирмоқда ВВС.