Мюнхеннинг «Бавария» клуби собиқ футболчиси Лотар Маттеус Германия чемпиони тезроқ «Хоффенхайм» ҳужумчиси Андрей Крамарични ўз сафига қўшиб олиши керак деган фикрда.
«Мен «Бавария»ни тезроқ ҳаракат қилишга чақираман. Левандовский ўзининг энг кучли мавсумини ўтказди, энди унда пасайиш кузатилади. Унинг ёшини ҳисобга олиш керак. Крамарич эса ундай эмас. У Робертдан 3 ёш кичик, бироқ, 35 ёшгача юқори саияда футбол ўйнай олади.
Крамарич Левандовскидан кучли, «Бавария» буни тан олиши керак. Трансфер ойнаси очиқ пайтида уни сотиб олиш шарт», — деди Маттеус.
