Мадриднинг "Атлетико" клуби ярим ҳимоячиси Тома Лемар Германиянинг «РБ Лейпциг» клубига ўтишга розилик берди.
L’Equipe нашрининг тарқатган хабарига қараганда, 24 ёшли франциялик футболчи яқин соатлар ичида "Лейпциг" футболчисига айланади. Немислик франциялик футболчини бир мавсумга ижарага олмоқда. Германия клуби футболчининг трансферини кейинчалик сотиб оладими ёки йўқми, бу ҳақда маълумот йўқ.
Эслатиб ўтамиз, «матрасчилар» Лемарнинг трансфери учун 70 миллион евро сарф қилганди. Бироқ, Лемар ўтган мавсум ўзига билдирилган ишончни оқлай олмади.
