Ушбу рукнимиздаги энг сўнгги янгиликлар билан таништиришда давом этамиз.

“Бавария” ҳужумчи изламоқда

Мюнҳеннинг “Бавария” клуби ПСЖ форварди Эрик Шупо-Мотинг билан шартнома имзоламоқчи.

“Goal” нашрининг маълум қилишича, 31 ёшли футболчининг агенти билан клуб алоқага чиққан ва уни ўз таркибида кўриш учун бир йиллик шартнома таклиф қилмоқда.

Манбанинг маълум қилишича, эркин агент мақомидаги футболчи билан бир нечта гранд жамоалар қизиқиб қолган.

“Валенсия” Этиен Капуни ўз сафига қўшиб олиш ниятида.

“The Athletic” нашрининг маълум қилишича, “Уотфурд” ярим ҳимоячисини қўлга киритиш учун “Валенсия” аввалига Жоффре Кондогбиани трансферини амалга ошириши лозим.

Манбанинг маълум қилишича, таянч ярим ҳимоячини инглиз клуби 5 миллион евро эвазига қўйиб юборишга тайёр.

Тотти Рюдигерни ортга қайтмоқчи

Римнинг “Ром” клуби собиқ сардори Франческо Тотти Рюдигернинг Италияга қайтиши борасида иш олиб бормоқда.

Футболчининг хизматларини “A Серия” клубларига таклиф этаётган Ческо тез орада Рюдигерга янги жамоа топиб бериши кутилмоқда.

Гоал нашрининг маълум қилишича, собиқ футболчи “Рома”, “Милан” ва “Наполи” клубларига ҳимоячини таклиф қилган.

“Барселона” ўз футболчисини сотади

Каталониянинг “Барселона” клуби Жан-Клер Тодибони “Фулҳем”га сотишга рози бўлди.

“Sky Sport” нашрининг маълум қилишича, инглиз клуби Тодибо учун “Барселона”га 20 миллион евро таклиф қилган.

Маълумотларга қараганда, “Фулҳем” Тодибо билан шахсий шартнома борасида музокаралар олиб бормоқда.

“Бавария” Саррни нишонга олди

Мюнҳеннинг “Бавария” жамоаси СOVID-19 сабабли кичик трансферларни амалга оширишда давом этмоқда.

“Sky Germany” нашрининг маълум қилишича, жамоа нишонида “Марсел” ҳимоячиси Буну Сарр турибди.

Манбанинг маълум қилишича, Мюнҳен клуби ушбу трансферни амалга ошириш учун ўз футболчиларидан бирини қўшиб беришга ҳам тайёр.

Маълумотларга қараганда, бу “Лидс” билан шартнома имзолай олмаган Микаел Кюсан бўлиши мумкин.