"Арсенал" клуби собиқ мураббийи Арсен Венгер айни пайтда Европанинг энг кучли клуби номини айтди.
"Айни пайтда "Бавария" — Европанинг энг кучли жамоаси. Аммо бу нарса ҳозирда Европада буюк жамоалар йўқлиги билан ҳам боғлиқ. "Барселона" кучсиз, "Реал" ҳам кучсиз", – деди Венгер "Goal"га берган интервьюсида.
Эслатиб ўтамиз, "Бавария" Германия чемпионати, Германия кубоги ва Чемпионлар лигасида ғолиб чиқиб, "требл"ни расмийлаштирди. Шунингдек, мюнхенликлар УЕФА суперкубогини ҳам қўлга киритишди.
"Бавария" чемпионлар лигасининг янги мавсумида "Атлетико", "Зальцбург" ва Москванинг "Локомотив" клублари билан бир гуруҳдан ўрин олган.