Ла Лига президенти Хавьер Тебас «Барселона» сардори Лионель Месси жамоада қолганидан хурсанд эканлигини яширмади.

- Менга Мессини Испания чемпионатида ўйнашини томоша қилиш ёқади. У маблағ ишлаб топиш учун машина. Бизга молиявий зарба бўлмаслиги учун Месси ва Роналдуларнинг кетишига кўп йиллар мобайнида тайёргарлик кўргандик. Неймар "ПСЖ"га кетди, бироқ Франция чемпионатида ўсиш кузатилмади. Роналду «Ювентус»га ўтди, аммо, А Серияси ҳам ўсмади. Агар Месси кетган тақдирда ҳам биз барибир Ла Лига телетрансляциясини бутун дунё бўйлаб сотган бўлардик. Агар Месси Испаниядан кетадиган бўлса, у ҳолда трансляция шартномасини бекор қилиш бораида ҳеч ким қўнғироқ қилмади.

Футболчилар лигалар учун муҳим, лекин футбол давом этаверади. Роналду ва Неймарлар кетди, лекин биз ўсишда давом этяпмиз. Бу Ла Лигани ривожлантириш бўйича олиб бораётган ишларимизнинг меваси. Бутун Лигани ўзгартириб юборадиган футболчи йўқ, — Тебасни сўзларидан иқтибос келтирмоқда La Gazzetta dello Sport.