Лондоннинг «Арсенал» клуби собиқ бош мураббийи Арсен Венгер Мадриднинг «Реал» клубини бошқаришдан бош тортганини сўзлаб берди.

«Мен болалигимда «Реал» клубига мухлислик қилганман. Болаликдан мухлислик қилган клубингдан тушган таклифга рад жавоб бериш - даҳшатли! Бироқ, менинг "Арсенал"да вазифам бор эди, шу сабабли, шартномамни якунигача ишлашим керак эди. Мен уларга ваъда бергандим.

«Реал»ни севганман. Болалигимда "Реал" футбол клубларининг энг кучлиси, энг чиройлиги деб ўйлардим. «Реал» менинг орзум бўлган», – деб ёзди Венгер ўзининг «My Life in Red and White» номли китобида.

Франциялик мутахассис «Арсенал» клубини 1996 йилдан 2018 йилгача бошқарган.