Лондоннинг "Тоттенхэм" клуби бош мураббийи Жозе Моуриньо нима учун Лондоннинг "Арсенал" клуби собиқ бош мураббийи Арсен Венгер ўзининг "Қизил ва оқ рангдаги ҳаётим" номли китобида португалиялик мутахассисни эсламасликка қарор қилганига сабаб топди.

"Мен ушбу вазиятни тушунаман. Китоб ёзаётганингизда у сизни яна-да бахтли қилишини хоҳлаймиз ва у билан мағрурланишни ёқтирасиз. Венгер ҳеч қачон мени юта олмаган. Нима учун у ўзининг китобида 12 ёки 14 та мағлубияти ҳақида саҳифа яратиши керак? Нима учун у ўз китобида мени эсламаганини тушунгандирсиз?" - деди Моуриньо Daily Mail билан суҳбатда.

Моуриньо ва Венгер жамоалари ўзаро 19 марта баҳс олиб борган. Ушбу баҳсларда 10 маротаба португалиялик мураббийнинг қўли баланд келган бўлса, 7 та учрашув дуранг натижаси билан якунланган. Иккита учрашувда эса Венгер жамоаси ғолиб чиққан.