Англиянинг «Ливерпуль» клуби собиқ футболчиси Стив Финнан ЕЧЛнинг 2004/05 йилги мавсумида қўлга киритилган олтин медалини сотувга қўйди.
Daily Mail нашрининг ёзишига қараганда, ирландиялик футболчининг қурилиш компанияси банкротга учраганидан кейин шундай қарорга келди.
Финнан Истамбулда "Милан" устидан қўлга киритилган ғалабадан кейин олган медалини 12 мингдан 15 минг фунтгача сотишга тайёр. Шунингдек, «Милан» клубига қарши ўйинда майдонга кийиб тушган футболкасини 2-2,5 минг фунтга сотиб юбормоқчи.
Қолаверса, собиқ футболчи ЕЧЛ бош соврининг нусхасини 5-7 минг фунтга сотмоқчи.
ЕЧЛнинг 2004/05 йилги мавсумида «Ливерпуль» «Милан» клубини пенальтилар сериясида мағлуб этганди. Ўша баҳсда Финнан асосий таркибда майдонга тушганди,, бироқ, жароҳат олганлиги сабабли танаффус пайтида алмаштириб юборилганди.
Ирландиялик футболчи «Ливерпуль» таркибида 2003 йилгача 2008 йилгача 217 та учрашувда майдонга тушган.