Италиянинг "Интер" клуби собиқ футболчиси Луис Суарес жамоанинг ҳозирги раҳбариятини кескин танқид остига олди. Суарес "Интер" таркибида 1961 йилдан 1970 йилгача тўп сурган.
"Бугунги "Интер"дагиларнинг битта ҳам хитойликларини танимайман. Фақат узоқ йиллардан бери ишлаб келаётган ходимларини биламан. Ёдингиздами, мен "Интер" таркибида 9 йил ўйнадим ва икки марта еврокубокни қўлга киритдим, шунингдек, мени футболчи сифатида сотиб олган Анджело Мораттининг ўғли Массимо билан бирга 15 йилдан ортиқ ишлаганман. Ҳозирги раҳбарият эса клубни олдинга мавқеига олиб чиқиш учун эмас, бизнес қилиш учун сотиб олишмоқда. Уларни пулдан бошқа нарса қизиқтирмайди. Улар ҳатто спорт шаҳарчасининг номини ҳам ўзгартирдилар. Энди у ер Сунинг деб номланмоқда, Мораттининг номи эса ҳеч қаерда кўринмайди. Уларда футбол маданияти йўқ, улар ўйин нима эканлигини билишмайди, уларга фақат пул керак", — деди Суарес AS нашри билан суҳбатда.
