Англиянинг "Ливерпуль" клуби собиқ футболчиси Том Брюитт асосий таркибда майдонга тушиши учун жамоадоши Даниэл Клирига атайин жароҳат етказганини тан олди.
"Агар бу бировга жароҳат етказиши ва муносабатизни бузилишига олиб келсам ҳам, бунга тайёр эдим. Жамоадошимга жароҳат етказишга қарор қилдим, чунки, "Ливерпуль"нинг асосий таркибида майдонга тушишни жудаям хоҳлаган эдим. Машғулотлар жараёнида шунчаки ёнида турдим ва оёғига зарба бердим.
Мен унга қаттиқ озор беришга ҳаракат қилмадим, лекин мен майдонга тушишимга у ҳалақит қилмаслиги учун етарлича зарба бердим. Бир пайтда мен унга қарши оёқларим билан ташландим. У икки ҳафтага сафдан чиққанди. Мен бу қилмишимдан фахрланмайман ва уялмайман ҳам. Бу ерда ёки у, ёки мен бўлишим керак эди", - Брюиттнинг сўзларидан иқтибос келтирмоқда The Independent.
Ушбу воқеа 2016 йили содир бўлганди. Ўшанда "Ливерпуль" Англия Кубоги доирасида "Экстер Сити" клубига қарши баҳс олиб бориши керак эди.
Қайд этиш керакки, Брюитт "Ливерпуль"нинг асосий жамоаси таркибида бир марта ҳам майдонга тушишга улгурмади. Айни пайтда футболчи иккинчи лиганинг "Моркам" клуби сафида ўйнамоқда.
