Про лига 12-тури доирасидаги дастлабки баҳсда «Динамо» Самарқандда «Оқтепа» жамоасини мағлуб этди.
Учрашувда Ойбек Нурматов ва Шарофиддин Шобиров томонидан киритилган голлар Сергей Лушчан жамоасига ғалаба келтирди – 2:0.
Нурматов 19-дақиқада кучли зарбаси билан ҳисобни очган бўлса, захирадан майдонга тушган Шобиров жарима майдони сари етказилган тўпни қойилмақом усулда дарвозабон устидан ошириб қўйиб, фарқни иккитага оширди - 2:0.
Ушбу ғалаба эвазига очколари сонини 17тага етказган «динамочилар» 4-ўринга чиқиб олишди.
Про лига. 12-тур
17 октябрь, шанба
«Динамо» – «Оқтепа» - 2:0
Ҳакам: Рустам Чориев (Сурхондарё)
Голлар: Ойбек Нурматов 19, Шарофиддин Шобиров 88.
«Динамо»: 1.Эркин Жабборов, 2.Бекзод Аҳмаджонов, 19.Обид Жўрабоев, 21.Муҳаммадқодир Ҳамралиев, 23.Шаҳзод Ҳамидов, 24.Фарҳод Намозов (6.Бобур Қосимов, 62), 8.Элдор Бойматов (Жаҳонгир Аҳмадов, 62), 11.Дамир Темиров, 7.Суҳроб Нуруллоев (Шарофутдин Шобиров, 46), 78.Ойбек Нурматов (Шохруҳ Абдураҳмонов, 66), 14.Андрей Сидоров (Азамат Алланиёзов, 66).
«Оқтепа»: 13. Равшанбек Ягудин, 7.Самуэль Опекс, 11.Тимур Ҳакимов, 14. Диёр Жалолиддинов, 15. Жафар Исмоилов, 19. Жамшид Юсупов, 20. Самандар Очилов, 21. Достон Баҳромов, 22. Яҳёхон Маърфухўжаев, 24.Ҳамидхон Рустамхонов, 33. Талгат Нигматулин.
