Лондоннинг «Челси» клуби бош мураббийи Фрэнк Лэмпард АПЛ доирасида «Саутгемптон» (3:3) клубига қарши ўйин ҳақидаги фикрлари билан ўртоқлашди.
Ўйин ҳақида:
«Қачонки иккита гол киритсанг, ўйинни ғалаба билан якунлашни хоҳлайсан. Бу бизнинг мавсумдаги энг яхши ўйинимиз эди, аниқ. Аммо, «Саутгемптон» – яхши жамоа, ўзларининг биринчи голидан кейин босим уюштиришни бошлади.
Танаффусдан кейин «Челси» биринчи таймдаги ўйинини кўрсата олмади. Биз яхшироқ ўйнашимиз мумкин эди».
Вернернинг голи ҳақида:
«Ажойиб голлар. Иккинчи гол - жамоавий ишлаш нуқтаи-назаридан ажойиб гол бўлди, лекин, ўша вазиятда Тимонинг хизмати катта эди. Аммо, биз ишончлироқ ўйнашимиз керак, индивидуал хатолар рақибларимизга имконият яратиб беряпти».
Мавсумдаги кўрсаткичлар ҳақида:
"Биз кўплаб голларни кўряпмиз, лекин ҳечбир мураббий бундан хурсанд эмас. Нега бундайлигини билмайман. Лигада ҳужумкор футболчилар кўп, эҳтимол мавсумолди йиғинларда ишлаш учун вақт камлик қилгандир. Аммо биз яхшиланишимиз керак», – деди Лэмпард.
