Londonning «Chelsi» klubi bosh murabbiyi Frenk Lempard APL doirasida «Sautgempton» (3:3) klubiga qarshi o‘yin haqidagi fikrlari bilan o‘rtoqlashdi.

O‘yin haqida:

«Qachonki ikkita gol kiritsang, o‘yinni g‘alaba bilan yakunlashni xohlaysan. Bu bizning mavsumdagi eng yaxshi o‘yinimiz edi, aniq. Ammo, «Sautgempton» – yaxshi jamoa, o‘zlarining birinchi golidan keyin bosim uyushtirishni boshladi.

Tanaffusdan keyin «Chelsi» birinchi taymdagi o‘yinini ko‘rsata olmadi. Biz yaxshiroq o‘ynashimiz mumkin edi».

Vernerning goli haqida:

«Ajoyib gollar. Ikkinchi gol - jamoaviy ishlash nuqtai-nazaridan ajoyib gol bo‘ldi, lekin, o‘sha vaziyatda Timoning xizmati katta edi. Ammo, biz ishonchliroq o‘ynashimiz kerak, individual xatolar raqiblarimizga imkoniyat yaratib beryapti».

Mavsumdagi ko‘rsatkichlar haqida:

"Biz ko‘plab gollarni ko‘ryapmiz, lekin hechbir murabbiy bundan xursand emas. Nega bundayligini bilmayman. Ligada hujumkor futbolchilar ko‘p, ehtimol mavsumoldi yig‘inlarda ishlash uchun vaqt kamlik qilgandir. Ammo biz yaxshilanishimiz kerak», – dedi Lempard.