Англиянинг «Манчестер Юнайтед» клуби бош мураббийи Оле-Гуннар Сульшер АПЛнинг 5-тур доирасида «Ньюкасл» (4:1) устидан қўлга киритилган ғалаба ҳақидаги фикрлари билан ўртоқлашди.

«Ажойиб натижа. Биз ирода кўрсата олдик. Сардоримиз ажойиб камбэкни амалга оширди.

Йигитлар жуда яхши тил топишишди, улар кейинги ўйинни кутишмоқда. Бугун бир қатор футболчиларга ҳордиқ чиқариш учун имкон берганди, майдонга тушганлар эса бизга керакли бўлган натижага эришишди.

Погбанинг белида муаммо пайдо бўлган эди. Франция терма жамоаси ихтиёридан оғриқ билан қайтиб келганди. Оллимизда муҳим учрашувлар турибди. Майдонга тушаётган ҳар бир футболчи ўзининг яхши сифатларини кўрсатиши шарт.

Магуайр гол киритди ва ўзгаларга намуна бўлди. У ўз иродасини намойиш эта олди, у учун хурсандман. Ўтган турдаги йирик мағлубиятимиздан кейин у бир неча қийин кунларни бошдан кечирди.

Биз учун мавсум бугундан бошланди. Биз ўйин темпига мослашиб олдик ва бугун уни амалда кўрсатдик», – деди Сульшер Sky Sports билан суҳбатда.