Франциянинг "France Football" журнали барча замонларнинг энг яхши футболчилари рамзий терма жамоасини тузишда давом этмоқда.

Дарвозабон, чап қанот ҳимоячиси, марказий ҳимоячи, ўнг қанот ҳимоячиси, марказий ярим ҳимоячи, ҳужумкор ярим ҳимоячи, чап қанот ҳужумчиси, ўнг қанот ҳужумчиси ва марказий ҳужумчи позициялари учун махсус комиссия томонидан танлаб олинган номзодлар рўйхати эълон қилинмоқда.

Бутун дунё бўйлаб 170дан ортиқ журналистнинг овозлари натижасида ҳар бир позицияга бир нафардан энг яхши футболчи танлаб олинади ва рамзий терма жамоага киритилади. Рамзий жамоа эса декабрь ойида эълон қилинади.

Марказий ҳужумчиси номинацияси учун 10 нафар номзодлар рўйхати қуйидаги кўринишда бўлди:

Деннис Бергкамп (Нидерландия), Герд Мюллер (Германия), Йохан Кройф (Нидерландия), Ромарио (Бразилия), Кенни Далглиш (Шотландия), Роналдо (Бразилия), Эусебио (Португалия), Марко ван Бастен (Нидерландия), Шандор Кочиш (Венгрия), Жорж Веа (Либерия).