Туриннинг «Ювентус» клуби бош мураббийи Андреа Пирло «Манчестер Сити» бош мураббийи Хосеп Гвардиола ҳақида фикр билдирди.
«Гвардиола - барчамиз учун намуна. У энг яхши мураббийларнинг бири. У ҳужумкор футболнинг маълум бир турини оммалаштиришга интилаётган ёш мураббийлар учун ўрнак бўла олди. Барчамизнинг ўз ғояларимиз бор ва уларни амалга оширишимиз керак. Аммо, у бутун дунё футболи учун ўрнакдир. Менга унинг ўйин услуби ёқади: доим ҳужумкор ўйнайди ва ўйинни назорат қилади ҳамда қийин вазиятдан доим чиқиб кетади. Бу бизнинг келажакдаги мақсадимиз бўлиши керак», - деди Пирло УЕФА матбуот хизматига.
