Лондоннинг «Арсенал» клуби собиқ футболчиси Жек Уилшер мунтазам ортирилган жароҳатлар ҳақида фикр билдирди.

«Одамлар менинг ёшим 28да эканлигини унутиб қўйишмоқда. Ҳамма мени 30 ёки 31 ёшда деб ўйлайди, эҳтимол мен майдонга тушишга 16 ёшимда бошлаганим учундир. Бунга 12 йил бўлди, бу футбол учун узоқ муддат.

Ўзимни яхши формада эканлигимни анчадан бери ҳис қиляпман, лекин шу пайтгача ҳали бирорта учрашув ўтказганим йўқ. Балки мухлислар мени унутиб юборишгандир. Тўлиқ соғлом бўлиш билан майдонда ўйнашнинг фарқи бор.

Йил давомида янги клубимда 20-25 та ўйин ўтказишни ва келажакка умид боғлашни истардим. Мен кўпроқ нарсага қодирлигимни ҳис қиляпман. Мен шунчаки буни исботлашни хоҳлайман», – деди Уилшер.

28 ёшли Уилшер «Вест Хэм» таркибида икки йил давомида 19 та учрашувда майдонга тушди ва кейинчалик шартномасини бекор қилди.