Италиянинг "Наполи" клуби спорт директори Кристиано Жунтолининг фикрича, раҳбарият жамоа бош мураббийи Женнаро Гаттузо билан шартномани узайтирмоқчи.
— Биз унинг майдонда ва майдон ташқарисида олиб бораётган ишидан тўлиқ қониқиш ҳосил қиляпмиз. У бизнинг ишларимиз юришмаётган нозик дақиқаларда бизни тўлиқ қўллаб-қувватлади. У бизга тўғри йўлни топишда ва юқори даражага қайта олишимизда ёрдам берди. Женнаро бу ерда бахтиёр ва шартномани узайтиришга рози бўлади деб ўйлайман, — деди Жунтоли Kiss Kiss Napoli радиосига берган интервьюсида.
