Каталониянинг "Барселона" клуби ҳимоячиси Жерар Пике жамоани ўз хоҳиши билан тарк этиш ҳуқуқига эга, дея ёзмоқда Goal портали.
Нашрнинг ёзишига қараганда, футболчи билан тузилган шартномада бир томонлама уни бекор қилиш учун Пикеда ҳуқуқ бор. Бироқ, Пике "Барселона"дан кетадиган бўлса, ё фаолиятини якунлаши ва Европа клубларидан ташқари, исталган клубга ўтиши керак.
33 ёшли Пике "Барселона" таркибида 2008 йилдан бери ўйнаб келмоқда. У жамоа таркибида 549 та учрашувда майдонга тушган ва 47 та гол киритди. Унинг "Барса" билан амалдаги шартномаси 2024 йилнинг ёзигача амал қилади.
