Англиянинг «Манчестер Юнайтед» клуби бош мураббийи Оле-Гуннар Сульшер ЕЧЛ доирасида «Лейпциг» клубига қарши бўладиган ўйиндан олдинги фикрлари билан ўртоқлашди.

«Бизнинг мақсадимиз – тезроқ 10 очкони қўлга киритиш, лекин эртага бор эътиборимизни уч очко олишга қаратамиз.

Бу - алоҳида ҳолатлар бўйича ғайриоддий мавсум бўлмоқда. Биз ҳар 3 кунда, гоҳида ҳар икки кунда ўйин ўтказяпмиз. Ҳеч қандай дам олиш йўқ, кейин Европа чемпионати, ундан кейин янги мавсум. Албатта, ҳар бир пауза фойда бўлади.

«Лейпциг» – ҳар бир мавсумда ажойиб тарзда ўсиб келаётган ажойиб жамоа. Улар ўтган мавсум Бундеслигада учинчи ўринни эгаллашди ва жорий мавсумни яхши бошлашди.

Улар ўтган йили ЕЧЛнинг ярим финалигача етиб келишди ва соврин учун кураш олиб боришни ният қилишган. Уларда ташаббусни ўз қўлига олган ёш мураббий бор, уларни кузатиш қизиқ. Улар кучли ўйнашади, турли хил ўйин услубларига осонликча ўрганишади. Қисқа қилиб айтганда, бу жамоани сўнгги йилларда кузатиш жуда қизиқарли», – деди Сульшер.