Мюнхеннинг «Бавария» клуби бош мураббийи Ханс-Дитер Флик «Локомотив» устидан ЕЧЛ доирасида қўлга киритилган ғалаба ҳақидаги фикрлари билан ўртоқлашди.
«Қийин ғалаба қўлга киритилди. Керак бўлса, ғалабани рақиб қўлидан юлиб олдик.
Москваликлар яхши ҳаракат қилишди, жуда чуқур ҳимояланишди ва узун паслар билан ҳужум уюштиришди. Икки марта жиддий вазият содир этишди.
Умуман олганда, 2:1 ҳисобидаги ғалаба ҳақли равишда қўлга киритилди деб ўйлайман. Гарчи, бу биз умид қилганчалик ишончли бўлмаса ҳам», – деди Флик DAZN билан суҳбатда.
