«Реал» бош мураббийи Зайниддин Зидан Европа чемпионлар лигаси гуруҳ босқичи 2-тури доирасида бўлиб ўтган Менхенгладбахнинг «Боруссия»сига қарши ўйин (2:2) борасида ўз фикрини билдириб ўтди.

«Учрашув бу тарзда драматик кечади, деб ўйламаган эдик. Футболчиларим мураккаб вазиятдан қандай чиқиб кетишни билишади. Биринчи бўлимда жуда яхши ўйнадик. Қўпол хатога йўл қўйганимиз туфайли гол ўтказиб юборганимиз қаттиқ хафа қилди.

Ҳудудий устунликни голга айлантира олмадик. Аммо шогирдларимнинг жавоб ҳаракатларидан қониқиш ҳосил қилдим. Биз муҳим очкони қутқариб қолдик. Ушбу мавсум барча учун қийин кечади. Бугунги жангимиз билан фахрланаман. Бундай ўйин билан биз, шубҳасиз, гуруҳдан чиқамиз», — деди Зидан.

2-турдан кейин "В" гуруҳидаги вазият:

«Шахтёр» — 4 очко;
«Боруссия» М — 2 очко;
«Интер» — 2 очко;
«Реал» — 1 очко.